He Pihikete Whetū

1. Ki te koheri hiko, koheria te pata, te huka kuoro me te wanira mō te 3 meneti, kia tāhungahunga rā anō.
2. Tātarihia atu te puehu parāoa me te puehu kānga ki te ranunga, ka whakahanumi ai kia hua ai he pokenga mohe. Ahuahungia hei pōro.
3. Ūhia tētahi paepae tunu ki te rautunu. Meatia te pokenga ki te pepa, ka taupoki atu ai ki tētahi anō wāhi rautunu. Takapapangia (kei kōrahirahi rawa).
4. Whakamātaohia ki te pouaka mātao mō te 20 meneti. Whakamahana tōmuatia te umu kia 180° tohurau te pāmahana.
5. Pokaina ake ētahi whetū i te pokenga, ka whakatakoto ai ki te paepae tunu. Tunua ki te umu mō te 8-10 meneti, kia tūākōura rā anō rānei. Tangohia atu i te paepae tunu, ka tuku ai kia mātao haere.
6. Ki te ngaruiti, tunua te tiakarete ki te pae wawaenga mō te 30 hēkona, ka kōrori ai. Toaitia kia rewa, kia mōhanihani rā anō.
7. Toua tētahi haurua o ia pihikete ki te tiakarete, ka whakarākei ai ki te riureka.

He Kupu Āwhina

• He rawe ēnei pihikete hei whakanui i a Matariki.