Whakaranua ngā kai whakauru mō te whakapūkara ki tētahi oko. Āpitihia atu ngā kārawarawa mīti kau, hipokina, ka waiho noa ai mō te 30 meneti.
Waiwaitia ngā kihu kōrahirahi ki tētahi oko wai mātao. Tiakina tētahi kapu o te wai, ka riringi atu ai i te toenga. Ki ngā kutikuti kāuta, kutia ngā kihu kōrahirahi.
Whakamahanatia tētahi parai nui ki te tārahu wera. Āpitihia atu kia 2 ngā kokonui hinu, ka horo ai te parai i te mīti kau kia tūāparauri noa. Whakawhitihia atu ki tētahi oko.
Āpitihia atu ki te parai ngā kokonui hinu e 3 e toe ana. Ka wera ana, āpitihia atu te kāriki, te tinitia, te kāpeti me te aniana, ka parai-kapekape ai mō te 3 meneti.
Raua atu ngā kihu kōrahirahi ki te parai, ka kōrori atu ai, whāia rā ko te mīti, te kāroti, te wairanu hoi me te wai i tiakina i mua, ka whakaranu pai ai.
Whakahekea te pāmahana kia tūāmahana noa. Taupokina, ka āta kōhua ai mō te 10 meneti.
Kainga me te raihi mamaoa.
Add your review
Join our newsletter
Subscribe to receive Edmonds updates, recipes and more
Add your review