Kia 2 kirokaramu o te wheua poaka, wheua pēkana rānei, he nui te mīti o runga
Kia 2 ngā rīwai wawaenga, kua waruwarua, kua tapahia hei pōkurukuru
Kia 2 ngā kūmara wawaenga, kua waruwarua, kua tapahia hei pōkurukuru
Kia ½ o te kamokamo, kia 2 rānei ngā kāroti wawaenga
Kia ½ o te kāpeti iti, kia 750 karamu rānei o te wātakirihi, kua kotikotia
Ngā motumotu
Kia 1½ ngā kapu o tā Edmonds puehu parāoa whakarewa, me tētahi wāhi anō mō te wā takapapa
Kia 1 te kapu o tā Edmonds puehu parāoa kounga
Kia 1 te kokoiti tote
Tukanga
Pāeratia te 2 rita o te wai ki tētahi kōhua nui. Āpitihia atu te tote (hei aha te tote mēnā e whakamahia ana te wheua pēkana).
Raua atu ngā wheua. Taupokina, ka āta kōhua ai mō te 1½ hāora. Āpitihia atu he wai anō ki te pāpaku rawa.
Mō ngā motumotu, whakaranua ngā puehu parāoa me te tote ki tētahi kapu wai mahana kia hua ai he pokenga mohe. Wāwāhia, ka ahuahu ai i ētahi pōro e 8. Taupokina kia hiahia rā anōtia.
Āpitihia atu ngā huaone ki te kōhua, ka āta tunu tonu ai mō te 5 meneti.
Āpitihia atu ngā hua kākāriki me ngā motumotu ki te kōhua.
Āta pāeratia, ko te taupoki e mau tonu ana, mō te 8-10 meneti, kia nui, kia tāhungahunga rā anō ngā motumotu. Kia pārekareka te kai!
Add your review